तमोर नदीमा ट्याक्टर खस्दा चालकको मृत्यु

धनकुटा । धनकुटाको साँगुरीगढी गाउँपालिका–३ डुम्रेमा शनिबार ट्याक्टर दुर्घटना हुँदा चालकको मृत्यु भएको छ। धरानबाट पाँचथर जाँदै गरेको को२त ७८५३ नम्बरको ट्याक्टर दिउँसो करीब ३ बजे डुम्रेमा पल्टिएको हो।

दुर्घटनामा परी ट्याक्टर चालक सिरहा करजना–५ का ३० वर्षीय सञ्जिव पासवानको घटनास्थलमै मृत्यु भएको धनकुटाका प्रहरी प्रमुख सुरेन्द्रबहादुर गुरुङले जानकारी दिए। उनका अनुसार तमोर लिफ्टिङ खानेपानी आयोजनाको सामान लिएर जाँदै गरेको ट्याक्टर सडकबाट करीब ५० मिटर तल तमोर नदी किनारमा खसेको हो।