काठमाडौं । नेपाली बजारमा सुनको मूल्यले शुक्रबार नयाँ उचाइ छोएको छ । नेपाल सुनचाँदी व्यवसायी महासंघका अनुसार छापावाला सुन प्रति तोला २ हजार ७ सय रुपैयाँले बढेर २ लाख ३९ हजार रुपैयाँमा कारोबार भइरहेको छ । यो मूल्य बिहीबारको तुलनामा उल्लेख्य वृद्धि हो, जुन दिन सुन प्रतितोला २ लाख ३६ हजार ३ सय रुपैयाँमा कारोबार भएको थियो ।
सुनसँगै चाँदीको मूल्यमा पनि वृद्धि भएको छ । बिहीबार प्रतितोला २ हजार ९८० रुपैयाँमा कारोबार भएको चाँदी शुक्रबार बढेर ३ हजार ६० रुपैयाँ पुगेको महासंघले जनाएको छ । यो वृद्धिले बहुमूल्य धातुको बजारमा सकारात्मक लहर ल्याएको छ । महासंघका अनुसार, शुक्रबार प्रति १० ग्राम सुनको मूल्य २ लाख ४ हजार ९०५ रुपैयाँ र प्रति १० ग्राम चाँदीको मूल्य २ हजार ६२३ रुपैयाँ ५० पैसामा कारोबार भइरहेको छ ।
तपाईंको प्रतिकृया
