काठमाडौं । अभिनेता समीर भट्टको प्रमुख अभिनय रहेको नेपाली चलचित्र ‘बलिदान’ को टिजर सार्वजनिक भएको छ ।

चलचित्रका निर्माताले बुधवार समीरको जन्मदिन पारेर प्रि–टिजरका रूपमा ४२ सेकेन्डको भिडिओ सार्वजनिक गरेका छन् । टिजरमा समीरको द्वन्द्वात्मक प्रस्तुति झल्काइएको छ ।

निर्देशक सन्तोष सेन नेतृत्वको निर्माण टिमले चलचित्रलाई २०८२ सालको फूलपाती (असोज १३) मा सार्वजनिक गर्ने निर्णय गरेको छ ।

यस चलचित्रमा कलाकारको सशक्त टिम रहेको छ । चलचित्रमा ‘१२ गाउँ’ बाट चर्चामा आएका अभिनेता समीर भट्ट प्रमुख भूमिकामा छन् । साथै, अनुभवी कलाकारहरू सौगात मल्ल, अर्पण थापा, ऋचा शर्मा लगायतका कलाकारहरूको अभिनय रहेको छ ।