रौतहट : धन्सार पुल नजिकै स्कारपियो दुर्घटना हुँदा ८ जनाको मृत्यु

काठमाडौं । रौतहटमा गएराति स्कर्पियो दुर्घटना हुँदा ८ जनाको मृत्यु भएको छ । बाराको गढीमाई मेलामा सहभागी भएर सिराहा फर्कँदै गरेका दर्शनार्थी चढेको बा १६ च ३१६२ नम्बरको स्कर्पियो जिप राति सवा १ बजे अनियन्त्रित भइ रुखमा ठोक्किएर दुर्घटना भएको हो ।

निजगढबाट चपुरतर्फ आउँदै स्कारपियो पूर्वपश्चिम राजमार्गअन्तर्गत चन्द्रपुर नगरपालिका-४ धन्सार पुल नजिकैको जंगलमा दुर्घटना भएको प्रहरीले जनाएको छ ।  दुर्घटनामा पाँच बालबालिका घाइते भएका छन् । जिप सडक छेउको रुखमा ठोक्किँएर तल खसेको थियो ।

प्रहरीका अनुसार मृतकहरुको सनाखत हुन सकेको छैन । गम्भीर घाइते एक जनाको बयोधा अस्पताल वीरगञ्ज र अन्यको स्थानीय अस्पताल उपचार भइरहेको छ ।