फेरि निरन्तर उकालो यात्रामा सुनको मूल्य, आज १७ सयले बढेर कति पुग्यो

काठमाडौं । नेपाली बजारमा साताको पहिलो कारोबार दिन सुनको मूल्य बढेको छ । नेपाल सुनचाँदी व्यवसायी महासंघकाअनुसार आज (आइतबार) सुनको मूल्य तोलामा १ हजार ७ सय रुपैयाँले उकालो लागेको हो ।

आज छापावाल सुनको मूल्य प्रतितोला १ लाख ६७ हजार २ सय रुपैयाँमा कारोबार भईरहेको छ। अघिल्लो कारोबार दिन शुक्रबार छापावाला सुन प्रतितोला १ लाख ६५ हजार ५ सय रुपैयाँमा कारोबार भएको थियो ।

चाँदीको मूल्य पनि बढेको छ । महासंघको अनुसार आज चाँदी प्रतितोला १ हजार ९ सय ६० रुपैयाँमा कारोबार भइरहेको छ । अघिल्लो कारोबार दिन शुक्रबार चाँदी १ हजार ९ सय ४० रुपैयाँमा कारोबार भएको थियो ।