काठमाडौंमा तीन सडक प्रदर्शन, अस्तव्यस्त ट्राफिक व्यवपस्थापन

काठमाडौं । काठमाडौंका तीन ठाउँमा आज प्रदर्शनका कार्यक्रमको आयोजना गरिएको छ । नेकपा एमालेले दरबारमार्गमा जागरण सभा आयोजना गरेको छ भने माइतीघर मण्डलामा सहकारी पीडित र दुर्गा प्रसाईँ नेतृत्वको राष्ट्र, राष्ट्रियता धर्म संस्कृति तथा नागरिक बचाउ महाअभियानले कोटेश्वर क्षेत्रमा कार्यक्रम गर्दै छन् ।

उपत्यकाको ट्राफिक व्यवस्थापन अस्तव्यस्त पारेर सत्तारुढ दल एमालेले काठमाडौंमा र्याली निकालेको छ । भद्रकालीबाट शुरू भएको र्याली दरबारमार्ग पुगेर सभामा परिणत भएको थियो । पञ्चेबाजासहित शुरू भएको र्यालीमा सहभागीहरूले सरकारको समर्थनमा विभिन्न नाराबाजी गरिरहेका छन् ।

तीन पक्षको काठमाडौंमा एकैपटक प्रदर्शन हुँदा ट्राफिक व्यवस्थापन पनि अस्तव्यस्त बनेको छ । जसकारण बिरामी बोकेका एम्बुलेन्स लामो समयदेखि जाममा बस्न बाध्य भए । एमाले काठमाडौं, भक्तपुर र ललितपुर जिल्ला कमिटीको आयोजनामा सभा आयोजना गरेको हो ।