स्वरसम्राट नारायणगोपालको बायोपिक चलचित्र बन्ने

काठमाडौं । स्वरसम्राट नारायणगोपालको जीवनीसम्बन्धी बायोपिक चलचित्र बनाउने घोषणा गरिएको छ । लेखक प्रकाश सायमिले स्वरसम्राट नारायणगोपालको जीवनीमा आधारित चलचित्र बनाउने घोषणा गरेका हुन् ।

स्वरसम्राट नारायणगोपालको जीवनीसम्बन्धी पुस्तक ‘स्वरसम्राट नारायणगोपाल’को पोखरामा लोकार्पण कार्यक्रममा उनले यस्तो घोषणा गरे । ‘म आफैंले लेखेको पुस्तक ‘स्वरसम्राट नारायणगोपाल’ चलचित्र बनाउँदै छु । सोही चलचित्रमार्फत चलचित्र निर्देशनमा म कमब्याक गर्दै छु’, उनले भने ।

‘स्वरसम्राट नारायणगोपाल’ पुस्तक अनुसन्धानको एउटा दस्ताबेज भएको साहित्यकार सरुभक्तले भनाइ थियो । ‘अनुसन्धानमा समर्पित सायमिको यो पुस्तक जीवन्त पुस्तकमध्येको एक हो’, उनले भने । पोखराबाट प्रसारण हुने एभरेष्ट एफएम ९३ मेगाहर्जको आयोजनामा उक्त पुस्तक लोकार्पण गरिएको थियो ।