यती एयरलाइन्सले सुरु गर्दै भैरहवा–पोखरा उडान

काठमाडौँ । यती एयरलाइन्सले भोलिदेखि दैनिक रुपमा भैरहवा–पोखरा–भैरहवा उडान सुरु गर्ने भएको छ ।

भैरहवा–पोखराको उडान समय ११ः०५ बजे र पोखरा–भैरहवाको उडान समय ११ः४५ बजे रहेको छ । हाललाई एकतर्फी हवाई भाडा रु. २५०० कायम गरिएको यती एयरलाइन्सले जनाएको छ ।

गौतमबुद्ध अन्तर्राष्ट्रिय विमानस्थलमा यात्रुहरूको संख्या वृद्धि गर्न टेवा पुर्‍याउने उद्देश्यले भैरहवा–पोखरा प्रत्यक्ष उडान सुरु गरेको यती एयरलाइन्सले जानकारी दिएको छ ।