ट्याक्टरबाट खसेर गरिवु चौधरीको मृत्यु

काठमाडौं । दाङको देउखुरीमा ट्याक्टरबाट खसेर एक जनाको मृत्यु भएको छ । राप्ती गाउँपालिका-५ लठ्ठहवाका ४० वर्षीय गरिवु चौधरीको पराल बोकेको ट्याक्टरबाट खसेर मृत्यु भएको हो ।

शनिबार राति ट्याक्टरबाट पराल झार्ने क्रममा खसेर गम्भीर घाइते भएका चौधरीको सिसहनियाँ स्वास्थ्य चौकीमा उपचारका क्रममा मृत्यु भएको जिल्ला प्रहरी कार्यालय दाङले जानकारी दिएको छ । प्रहरीकाअनुसार घटनाबारे अनुसन्धान भइरहेको छ ।