होनरले ल्यायो दशैंको लागि रमाइलो अफर : थाइल्यान्ड भ्रमण र थप पुरस्कार

काठमाडौँ । होनर नेपालले प्रतीक्षित दशैं अफर शुरु गरेको छ । यो अफरमा ग्राहकहरूको लागि रोमाञ्चक पुरस्कार र अफरहरू समावेश छन्। यस वर्ष होनरले‘ होनर किन्नुहोस्, थाइल्याण्ड घुम्नुहोस्’ अभियान ल्याएको छ, जसमा कुनै पनि होनर स्मार्टफोन किन्दा ग्राहकहरूले थाइल्यान्ड भ्रमण र अन्य अविश्वसनीय पुरस्कार जित्ने मौका पाउनेछन्।

यस अभियानले दशैंको चाडमा उत्साह र खुसी थप्न उद्देश्य राखेको कम्पनीले बताएको छ । यो अफर १७ सेप्टेम्बर २०२४ देखि ७ नोभेम्बर २०२४ सम्म नेपालभरका सबै होनर एक्सक्लुसिभ शपहरू र अधिकृत बिक्रेताहरूमा उपलब्ध हुनेछ। हरेक होनर स्मार्टफोनको खरिदले यस रोमाञ्चक अभियानमा सहभागी हुन अवसर दिने कम्पनीको भनाइ छ। होनर नेपालका राहुल राठीले दशैंको अवसरमा यस्तो प्रकारको अभियान ल्याउन पाउँदा निक्कै खुसी लागेको बताए ।

सहभागी हुनको लागि, ग्राहकहरूले कुनै पनि होनर स्मार्टफोन किन्नुपर्छ र खल्टी एपमार्फत दामी क्यूआर स्क्यान गरेर आफ्नो पुरस्कार थाहा पाउन सकिन्छ। यो अभियान पर्वको भावना मनाउने उद्देश्यले ल्याइएको कम्पनीको भनाइ छ ।