नेपालमा लिपमोटरका लागि अधिकृत बिक्रेता साङ्ग्रिला मोटर्स

काठमाडौं । गोल्छा सङ्गठन अन्तर्गत साङ्ग्रिला मोटर्स प्राइभेट लिमिटेडले नेपालमा लिपमोटरको अधिकृत बिक्रेता भएको जानकारी गराएको छ।

सिट्रोन र प्यूजोका लागि बिक्रेताको रूपमा स्थापित साङ्ग्रिला मोटर्सले अब लिपमोटरको लक्जरी विद्युतीय सवारी नेपाली बजारमा ल्याउने तयारी गरेको छ।

कम्पनीका अनुसार लिपमोटर, स्टेलान्टिस अम्ब्रेला अन्तर्गत एक प्रतिष्ठित ब्रान्ड हो जसले प्यूजो, सिट्रोन, जीप, र फिएटको पनि स्वामित्व राख्छ र २०२४ सम्म बिक्रीको आधारमा चौथो सबैभन्दा ठूलो चिनियाँ नयाँ ऊर्जा वाहन स्टार्टअपको रूपमा रहेको छ।

लिपमोटर चीनमा बलियो उपस्थिति र युरोपमा बढ्दो मागका साथ स्थापित छ।

कम्पनीका अनुसार नेपालमा लन्च हुने पहिलो मोडेल लिपमोटर सी१० आगामी नाडा अटो शोमा डेब्यू गर्ने तयारी छ।