काठमाडौं । नक्कली भुटानी शरणार्थी प्रकरणमा पक्राउ परेका बेचन झालाई पुर्पक्षका लागि थुनामा पठाउने आदेश भएको छ ।
आइतबार जिल्ला अदालत काठमाडौँका न्यायाधीश तीर्थराज केसीको इजलासमा झाविरुद्धको मुद्दाको थुनछेक बहस भएको थियो ।
बहसपछि उनलाई पुर्पक्षका लागि थुनामा पठाउने आदेश दिइएको हो । उनी नक्कली भुटानी शरणार्थी प्रकरणका मुख्य बिचौलिया रहेको बताइन्छ ।
केसीको झालाई नेपाल प्रहरीको विशेष टोलीले भारतबाट पक्राउ गरेर नेपाल ल्याएको थियो ।
झामाथि नक्कली भुटानी शरणार्थी प्रकरणको उच्च राजनीतिक तहसम्म कनेक्सन मिलाएको आरोप छ ।
उनको नाममा २ करोड रुपैयाँको चेक काटिदिएको भेटिएको छ ।
तपाईंको प्रतिकृया
