‘वीर विक्रम २’मा ‘पिरतीको मीठो तिर्सना’को रिमेक

काठमाडाैं । मिलन चाम्सको निर्देशनमा बनिरहेको फिल्म ‘वीर विक्रम २’ को हाल धमाधम छायांकन भइरहेको छ । छायांकनका लागि निर्माण युनिट अहिले पश्चिमको मुस्ताङमा पुगेका छन् ।त्यहाँ पुगेर निर्माण युनिटले फिल्मको एक गीत छायांकन सकेको छ । निर्माण युनिटले सुटिङ सेटबाट छायांकनका केही तस्वीरहरू बाहिर ल्याएको छ। बाहिरिएका तस्वीरमा नायिका वर्षा सिवाकोटीलाई दुई नायकसँग रोमान्स गरिरहेको देख्न सकिन्छ । वर्षा नायक पल शाह र नाजिर हुसेनको अँगालोमा बाँधिएकी छन् ।

हाल छायांकन भएको उक्त गीत ‘देउता’ फिल्ममा समावेश ‘पिरतीको मीठो तिर्सना’ बोलको गीतको रिमेक गीत हो । गीतमा कुसुम गजमेर र तुलसी घिमिरेको शब्द रचना तथा रञ्जित गजमेरको संगीत रहेको छ।  पुरानो गीतमा ईन्द्रजित मिजार र भारती घिमिरेको आवाज रहेको थियो भने रिमेकमा ताराप्रकाश लिम्बू र मेलिना राईले स्वर दिएका छन् ।