निस्सासिएर सुत्केरीको मृत्यु, बच्चाको अवस्था गम्भीर

काठमाडौं । जुम्लाको पातारासी-६ बाँताकी एक सुत्केरी महिलाको आगो बालेर सुतेको अवस्थामामा निस्सासिएर मृत्यु भएको छ । सुत्केरी भएको ११ ओैं दिनमा आगोले सेक्न बालेको कोइलाको धुवाँमा निस्सासिएर उनको मृत्यु भएको हो ।

पातासारी-६ स्थायी ठेगाना भएकी सदरमुकामस्थित कालेखोलीमा बस्दै आएकी २२ वर्षीया मायालक्ष्मी महतारा निस्सासिएर गम्भीर घाइते भएकी थिइन् ।

गम्भीर घाइते महताराको उपचारको क्रममा निधन भएको बताइएको छ । धुवाँमा निस्सासिएर मृतक महताराकी बहिनी जुनमाया रोकया र १२ दिने दूधे बच्चा पनि घाइते छन् । बच्चालाई एनआइसीयूमा राखेर उपचार थालिएको छ ।