डडेलधुरामा कृषि विकासको एटिएम सेवा

काठमाडौं । डडेलधुरा बजारमा कृषि विकास बैंकको एटिएम सेवा सुचारु भएको छ । बैंकका संचालक घनश्याम अवस्थी र बैंक प्रमुख कार्यकारी अधिकृत लिला प्रकाश सिटौलाले संयुक्त रुपमा उद्घाटन गरेका छन् । क्षेत्रिय कार्यलय धनगढीका निर्देशक हरिश्चन्द्र यादवको नेतृत्वमा उक्त उद्घाटन भएको हो ।

सर्वसाधारण तथा सेवाग्राहीको व्यापक उपस्थिति रहेको त्यस कार्यक्रममा बैंकका प्रमुख अधिकृत तथा कार्यक्रमका प्रमुख अतिथी लिला प्रकाश सिटौलाले बैंकको उत्पादन (भिसा कार्ड, आइपिएस, इन्टरनेट बैंकिङ्ग, आस्वा सुविधा, डिम्याट सुविधा, मोवाईल बैंकिङ्ग, एसएमएस ) बारेमा जानकारी दिए।

बैंकिङ्ग सेवा सुविधा उपलब्ध गराउने विषय प्रकाश पार्दै सुरक्षित मोनासिव प्रतिफलका लागि आफुसँग रहेको जे जति बचत भएको रकम बचत गर्न अनुरोध गरेका छन्।