फेरि घट्यो सुनको भाउ, कतिमा हुँदैछ किनबेच ?

काठमाडौं । नेपाली बजारमा साताको चौथो कारोबार दिन बुधबार पनि पहेंलो धातु सुनको भाउ घटेको छ भने चाँदीको भाउ बढेको छ । मंगलबार प्रतितोला १ लाख ४० हजार ६००रुपैयाँमा कारोबार भएको छापावाला सुन आज १०० रुपैयाँले घटेर प्रतितोला १ लाख ४० हजार ५००रुपैयाँमा कारोबार भइरहेको हो ।

तेजाबी सुनको भाउ पनि १०० रुपैयाँले नै घटेको छ । यो दिन तेजाबी सुन प्रतितोला १ लाख ३९ हजार ८०० रुपैयाँमा कारोबार भइरहेको नेपाल सुनचाँदी महासंघले बताएको छ ।

यो दिन चाँदीको भाउ भने १५ रुपैयाँ प्रतितोलाका दरले बढेको छ । यस दिन चाँदी तोलामा १ हजार ९०० रुपैयाँमा कारोबार भइरहेको हो ।