मनहेरा सामुदायिक वनमा २६ वर्षीय जवानको शव भेटियो

काठमाडौं । कैलालीमा एकजना प्रहरी जवान जंगलमा मृत भेटिएका छन् । दार्चुलाको शैल्यशिखर नगरपालिका-६ का २६ वर्षीय सुरजराम लुहार बिहीबार बेलुका जंगलमा मृत भेटिएका हुन् ।

धनगढी उपमहानगरपालिका-७ स्थित मनहेरा सामुदायिक वनभित्र झुण्डिएको अवस्थामा लुहारको शव भेटिएको जिल्ला प्रहरी कार्यालय कैलालीका प्रहरी निरीक्षक लोकेन्द्र सिंह कार्कीले जानकारी दिए । लुहार जिल्ला प्रहरी कार्यालय बझाङमा कार्यरत थिए । केहीदिन अघि उनी घर बिदामा धनगढी आएको खुलेको छ ।

मुचुल्का तयार गरेर शव पोष्टमार्टमका लागि सेती प्रादेशिक अस्पताल ल्याइएको छ । घटनाका सम्बन्धमा थप अनुसन्धान जारी रहेको निरीक्षक कार्कीको भनाई छ ।