बागमतीमा रमा आलेमगरले लिइन् बिनाविभागीय मन्त्रीको शपथ

काठमाडौं । बागमती प्रदेश सरकारको विना विभागीय मन्त्रीमा नियुक्त रमा आलेमगरले पद तथा गोपनीयताको शपथ लिएकी छन् । नेकपा एकीकृत समाजवादीकी प्रदेशसभा सांसद आलेमगरलाई प्रदेश प्रमुख यादवचन्द्र शर्माले मंगलबार बिहान विना विभागीय मन्त्रीको शपथ गराएका हुन् ।

मुख्यमन्त्री शालिकराम जम्कट्टेलले मगरलाई सोमबार मन्त्री नियुक्त गरेका थिए । मगर एकीकृत समाजवादीबाट प्रत्यक्ष निर्वाचन जित्ने एक्ली महिला सांसद हुन् । चन्द्रागिरी नगरपालिकाकी रमा काठमाडौं क्षेत्र नम्बर १० (ख) बाट प्रत्यक्ष निर्वाचित भएकी थिइन् ।

सोमबार मुख्यमन्त्री शालिकराम जम्मकट्टेललाई विश्वासको मत दिने बेला प्रदेश सभा बैठकमा ढिलोसम्म उपस्थित नभएकी सांसद आलेमगरले मन्त्रीमा बार्गेनिङ गरेर अलमल गरेको चर्चा थियो ।