ग्लोबल आईएमइ बैंकको नाफा ५२ प्रतिशतले बढ्यो

काठमाडौं । ग्लोबल आईएमई बैंकले पहिलो त्रैमासिकको अपरिस्कृत वित्तिय विवरण सार्वजनिक गरेको छ । वित्तिय विवरण अनुसार बैंकको नाफा ५२ प्रतिशतले वृद्धि भएको छ ।

बैंकले चालु आर्थिक बर्षको पहिलो त्रैमासिकमा ५२ दशमलब ४१ प्रतिशतले नाफा बढाएर ५१ करोड ७६ लाख पुर्याएको हो । जुन नाफा अघिल्लो आवको सोही अवधीमा कमाएको ३३ कराड ९६ लाख भन्दा १७ करोड ८० लाख रुपैंयाँले बढि हो ।

त्यस्तै, स्ट्याण्डर्ड चाटर्ड बैंकले पनि पहिलो त्रैमासिकको अपरिस्कृत वित्तिय विवरण सार्वजनिक गर्दै ५८ करोड ४५ लाख नाफा कमाएको जनाएको छ । बैंकले गत आवको सोही अवधीमा ४७ करोड १२ लाख नाफा कमाउन सफल भएको थियो ।

दुबैं बैंकले एनएफआरएस लेखा प्रणाली अनुसार पहिलो त्रैमासिकको अपरिस्कृत वित्तिय विवरण सार्वजनिक गरेका हुन् ।