नन्दुको स्वरमा ‘मुटु त ढुक ढुक’

काठमाडौं । नन्दु गुरुङको स्वरमा रहेको गीत ‘मुटु त ढुक ढुक कलेजो भ्याट भ्याट’ सार्वजनिक भएको छ । कुमार गुरुङको शब्द, सिद्धान्त खड्काको एरेन्ज र राजीव शाहको मिक्सिङ तथा मास्टरिङ रहेको गीतको भिडियो सार्वजनिक भएको हो ।

रोशन विश्वकर्माको निर्देशन एवं कोरियोग्राफी रहेको गीतको भिडियोमा सरोज प्रजा र बिना राउतसँगै विवेक, प्रितम, दावा र रूपक फिचर्ड हुनुहुन्छ ।

आइ क्याच स्टुडियोमा पोस्ट प्रोडक्सन गरिएको भिडियोमा विशाल थापाको छायांकन र दिन्सन शाहको सम्पादन तथा कलर छ । भिडियो सरोज प्रजाकै अफिसियल युट्युब च्यानलमार्फत सार्वजनिक गरिएको हो ।