स्कुटर अनियन्त्रित भएर पल्टिदा पछाडि सवार लालूको मृत्यु

काठमाडौं । कैलालीको धनगढीमा स्कुटर दुर्घटना हुँदा एक जनाको मृत्यु भएको छ । मंगलवार साँझ धनगढी उपमहानगरपालिका–६ जाली स्थित वासुदेवी विद्यालय नजिक से १ प २८५९ नम्बरको स्कुटर आफैँ अनियन्त्रित भएको हो ।

दुर्घटनामा परेर स्कुटर पछाडि सवार बर्दियाको बाँसगढी नगरपालिका ४ बठौवागाँउ बस्ने २५ वर्षीय लालु चौधरीको मृत्यु भएको प्रहरीले जनाएको छ । दुर्घटनामा गम्भीर घाइते उनलाई उपचारको लागि सेती प्रादेशिक अस्पताल धनगढी लगिएकोमा डाक्टरले जाँच गर्दा मृत घोषणा गरेको जिल्ला प्रहरी कार्यालय कैलालीका प्रहरी प्रवक्ता प्रहरी नायव उपरीक्षक कुलदिप चन्दले जानकारी दिए ।

स्कुटर र चालक धनगढी उपमहानगरपालिका वडा नम्बर ५ का २५ वर्षीय रमेश चौधरीलाई प्रहरीले नियन्त्रणमा लिएको छ । दुर्घटना सम्बन्धमा आवश्यक अनुसन्धान भइरहेको छ ।