बुद्ध लामाको ‘रातो टिका टल्क्यो टल टल…’ रिलिज, हेर्नुहोस् भिडियो

काठमाडाैं । नेपाल आइडल सिजन पहिलो संस्करणको विजेता बुद्ध लामाको नयाँ गीत रिलिज भएको छ । ‘रातो टिका टल्क्यो टल टल’ बोलको गीत भिडियोसहित युट्युब रिलिज भएको हो ।

वसन्त सापकोटाको संगीत तथा प्रभा आचार्यको शब्द रहेको गीतमा बुद्ध लामासँगै मेलिना राईले स्वर दिएकी छन् । चर्चित डान्स ग्रुप भिमफेदी गाइज फिचर्ड भिडियोलाई दीपक आचार्यले निर्देशन गरेका हुन् । संगीतकार वसन्त सापकोटा भन्छन्,’ बुद्ध नेपाल आइडलको ट्यागबाट माथि उठेर सिर्जनाको कारण चिन्नु पर्ने अवस्था छ । त्यसैको लागि साथ दिएको हुँ ।’

भिडियोमा प्रस्तुत भिमफेदी गाइजका निर्मल लामाले कोरियोग्राफ गरेका हुन् भने डिओपी सुदिप बरालको रहेको छ ।