काउन्टरसाइकल बफरको व्यवस्था खारेज गर्न सीबीफीनको माग

काठमाडौँ । केन्द्रीय बैंकले हालैमात्र सार्वजनिक गरेको एकीकृत निर्देशनको बैंक तथा वित्तीय संस्था परिसंघ, नेपाल (सीबीफीन) ले स्वागत गरेको छ । दुई वर्षदेखि विवादित बन्दै आएको सेयर धितो कर्जाको सीमा पुनरावलोकन, व्यवसायिक कर्जा तथा घरजग्गामा जाने कर्जा सहजिकरणका साथै सुलभ ब्याजदर बनाएकोमा सीबीफीनले केन्द्रीय बैंकको प्रशंसा गरेको छ ।

तथापि, सोही निर्देशनले व्यवस्था गरेको काउन्टरसाइकल बफर जस्ता केहीँ प्रावधानहरुले भने बैंकहरुको क्षमता कमजोर बनाउने मात्र नभई अर्थतन्त्रमा उसको नकारात्मक प्रभाव पार्ने भन्दै सीबीफीनले सो व्यवस्था खारेज गर्न केन्द्रीय बैंकसँग माग गरेको छ ।

हाल बैंक तथा वित्तीय संस्थाहरुबाट प्रवाह हुने कर्जा लगानीको वृद्धिदर न्यून रहेको र पुँजी पर्याप्तता समेत उच्च रहेको वर्तमान अवस्थामा काउन्टरसाइकल बफरको व्यवस्थाले बैंक तथा वित्तीय संस्थाहरुलाई कर्जा लगानीमा थप भार पर्ने देखिएको भन्दै सीबीफीनले उक्त व्यवस्था हाललाई खारेज गर्न माग गरेको हो ।