मलेखुमा ट्रकको ठक्करबाट दुई स्कुले बालकको मृत्यु

[horoscope in nepal, news from nepal, newsdainik, dainiknews]

काठमाडौँ । धादिङको मलेखुमा ट्रकको ठक्करबाट बालकको मृत्यु भएको छ । गजुरी गाउँपालिका–२ मलेखुस्थित मजुवामा प्रदेश०२–००१ख ६४१३ नम्बरको ट्रकको ठक्करबाट दुई स्कुले बालकको मृत्यु भएको हो ।

सिद्धलेक गाउँपालिका–६ का निर्मल श्रेष्ठ र सञ्जीव श्रेष्ठको ट्रकको ठक्करबाट घटनास्थलमै मृत्यु भएको जिल्ला प्रहरी कार्यालयका प्रहरी नायब उपरीक्षक सन्तुलालप्रसाद जैसवारले जानकारी दिए । काठमाडौँबाट चितवनतर्फ जाँदै गरेको उक्त ट्रकले बिहान दुवैजनालाई ठक्कर दिएको थियो ।

मृतक दुवै बालक बागेश्वरी माध्यमिक विद्यालयमा कक्षा ८ मा अध्यनरत थिए । घटनापछि स्थानीयले क्षतिपूर्तिको माग गर्दै पृथ्वीराजमार्गको मलेखु क्षेत्रमा यातायात बन्द गराएका छन् । ट्रक चालक रौतहटको चन्द्रपुर नगरपालिका–२ का ४१ वर्षीय अशोक बम्जनलाई प्रहरीले नियन्त्रण लिएको छ ।

[horoscope in nepal, news from nepal, newsdainik, dainiknews]