१९ औं एसियाली खेलकुद : भारतले नेपाललाई दियो २०३ रनको लक्ष्य

काठमाडौँ । भारतले नेपाललाई २०३ रनको लक्ष्य दिएको छ । जारी एसियन गेम्स अन्तर्गत क्रिकेटको क्वाटरफाइनलमा टस जितेर पहिला ब्याटिङ गर्दै भारतले नेपाललाई २०३ रनको लक्ष्य दिएको हो ।

भारतले २० ओभरमा ४ विकेट गुमाउँदै २०२ रन बनाएको हो । भारतका लागि यशस्वी जैसवालले शतकीय पारी खेलेका थिए । उनी ४९ बलमा १०० रन बनाएर आउट भएका थिए । त्यसैगरी भारतका लागि कप्तान रुतुराज गायकवाडले २५ रन बनाए भने शिभम दुबेले अविजित २५ रन बनाए । तिलक बर्माले २, जितेश शर्माले ५ र रिंकु सिंहले  अविजित ३७ रन बनाएका थिए ।

नेपाल बलर दीपेन्द्र सिंह ऐरीले २ विकेट लिएका थिए भने सोमपाल कामी र सन्दीप लामिछानेले एक एक विकेट लिएका थिए ।