जीपले हान्दा बाइकमा सवार भट्टराईको मृत्यु

काठमाडौँ । पाल्पामा जीपको ठक्करबाट घाइते भएका मोटरसाइकल चालकको मृत्यु भएको छ । दुर्घटनामा बगनासकाली गाउँपालिका-७ झाँक्रीस्थानका २८ वर्षीय सुधन भट्टराईको मृत्यु भएको हो ।

सदरमुकाम तानसेनदेखि बगनासकाली-७ खानीगाँउका लागि छुटेको जीपले बगनासकाली-९ चाप्पानीको भित्री पक्की सडकमा बुधबार भट्टराई सवार मोटरसाइकललाई ठक्कर दिएको थियो । जीपको ठक्करबाट गम्भीर घाइते सुधनको ग्रान्डी अस्पतालमा उपचारका क्रममा मृत्यु भएको प्रहरीले जनाएको छ ।