शुक्लाफाँटामा सेप्टी ट्याङ्कीमा फसेर हात्तीको मृत्यु (तस्बिरहरू)

काठमाडौँ । कञ्चनपुरमा हात्तीको मृत्यु भएको छ । शुक्लाफाँटा नगरपालिका वडा नम्बर ७ कालापानीमा रहेको वातावरण मध्यवर्ती सामुदायिक बनको शौचालयको सेप्टी ट्याङ्कीमा परेर बिहीबार बिहान जङ्गली हात्तीको मृत्यु भएको हो ।

शुक्लाफाँटा राष्ट्रिय निकुञ्जका प्रमुख किशोरकुमार मेहताले हात्तीको पछाडिको शरीर सेप्टी ट्याङ्कीमा परेको अवस्थामा मृत भेटिएको जानकारी दिए । उनकाअनुसार मृत भेटिएको हात्तीलाई सेप्टी ट्याङकीबाट निकालेर शव परीक्षण गरेर अन्त्येष्टि गरिनेछ ।