युट्युब ट्रेन्डिङको एक नम्बरमा प्रकाश सपूतको ‘दमाई महाराज’ (भिडिओ)

काठमाडौं । गायक प्रकाश सपूतको नयाँ गीत ‘दमाई महाराज’ ट्रेन्डिङमा एक नम्बरमा पुगेको छ । शुक्रबार साँझ सार्वजनिक भएको गीत युट्युब ट्रेन्डिङको एक नम्बरमा आइपुगेको हो ।

प्रकाशकै शब्द र संगीत रहेको गीतमा शान्तिश्री परियारले स्वरमा साथ दिनुभएको छ । गीत जातीय विभेदविरुद्ध रहेको छ । भजन शैलीमा ल्याइएको गीतमा धार्मिक अध्ययन र भक्तिबाट पारंगत भएर फर्किएको दलित समुदायलाई प्रस्तुत गरिएको छ ।

सार्वजनिक गीतको भिडियोको निर्देशन पनि प्रकाश स्वयंले गर्नुभएको छ । भिडियोको कन्सेप्ट डिजाइन पनि सपुतकै रहेको छ । गजित विष्टले कोरियोग्राफी गरेको भिडियोमा प्रकाशका साथमा अञ्जली अधिकारीलाई फिचरिङ गरिएको छ ।