अशोक शेरचनको नयाँ गीत ‘आमा अघि बढ्दै छु…’ सार्वजनिक (भिडियोसहित)

काठमाडौँ । बैंकरसमेत रहेका कवि, गीतकार अशोक शेरचनको नयाँ गीत सार्वजनिक भएको छ । मातातीर्थ औँसीको अवसर पारेर उनले ‘आमा अघि बढ्दै छु’ बोलको म्युजिक भिडियो सार्वजनिक गरेका हुन् ।

आमालाई सम्बोधन गर्दै संघर्षको गतिमा हारेर पनि उठ्न सकिन्छ भन्ने सकारात्मक सन्देश पैदा गर्ने गीत बाग्लुङ क्रिएसनको युटुयुब च्यानलबाट सार्वजनिक गरिएको हो । उत्प्रेरक भावको यो गीतमा दुर्गाकाजी शाक्यको स्वर छ । शेरचनले लेखेको गीतमा संगीतकार शान्तिराम राईले लय भरेका हुन् ।

सुनील विकले निर्देशन गरेको म्यूजिक भिडियोमा विवेक खड्का, अमित सुनार र सीता अवस्थीको अभिनय देख्न सकिन्छ ।