काठमाडौँ । एमाले केन्द्रीय सदस्य तथा व्यवसायी दुर्गा प्रसाईँले पार्टी परित्याग गरेका छन् । उनले आइतबार आफू एमालेबाट अलग भएको घोषणा गरेका हुन् ।
प्रसाईँले केही दिनअघि झापाको मेचीबाट महाअभियानको घोषणा गरेका थिए । हिन्दुराष्ट र राजसंस्था पुनः स्थापनाको पक्षमा अभिव्यक्ति दिँदै भएको उनले सो अभियानमा पूर्व राजपरिवारका सदस्यलाई पनि सहभागी गराएका थिए । त्यसपछि एमालेको स्थानीय कमिटीले केन्द्रमा कारबाही सिफारिस गरेको थियो ।पार्टीले निर्णय नलिँदै उनी आफैँले एमालेबाट अलग भएका हुन् ।
पार्टीले ०७८ मङ्सिर २६ गते प्रसाईँलाई केन्द्रीय समितिमा मनोनीत गरेको थियो । विगतमा माओवादी अध्यक्ष पुष्पकमल दाहाल ‘प्रचण्ड’निकट उनी पछिल्लो समय एमाले अध्यक्ष केपी शर्मा ओलीका विश्वासपात्र बनेका थिए । हाल प्रसाईँ पूर्वराजासँग नजिकिएका छन् ।
प्रतिकृया दिनुहॊस