काठमाडौं – काठमाडौं महानगरपालिकाले विकल्प बिना नै सुकुमबासीहरुलाई लखेट्न खोजेको भन्दै सुकुमबासीहरुले प्रदर्शन गरेका छन् । थापाथलीस्थित बागमती किनारका सुकुम्बासीहरुले आज पनि महानगरविरुद्व प्रदर्शन गरेका हुन् । उनीहरुले बिना विकल्प उठिबास नलगाउन माग गरेका छन् ।
उनीहरुले केही दिनअघि सुकुमबासी बस्ती हटाउन पुगेका महानगर प्रहरीविरुद्व आक्रमण गर्नेविरुद्व महानगरले दिएको जाहेरी फिर्ता लिन पनि माग गरेका छन् । प्रदर्शनमा सहभागीहरूले सुकुमबासी तथा अव्यवस्थित बसोवासीहरूका संवैधानिक अधिकार ग्यारेन्टीको माग गरेका छन् । उनीहरूले जिल्ला भूमि आयोगको कामलाई तीव्र बनाउन माग गरेका छन् ।
पछिल्लो समय सुकुमबासी तथा अव्यवस्थित बसोवासीहरूमाथि सरकारले दमन गरेको भन्दै उनीहरूले विभिन्न अभियोग लगाई प्रहरीमा दिइएका जाहेरी फिर्ता लिन माग गरेका छन् । केही दिनअघि थापाथलीस्थित सुकुमबासी बस्तीमा काठमाडौं महानगरपालिकाले डोजर चलाउन खोज्दा आक्रमण गर्नेहरूमाथि कारबाहीको माग गरी महानगरले जाहेरी दिएको छ ।
महानगरविरुद्ध सुकुम्वासीको प्रदर्शन (तस्बिरहरू)
तपाईंको प्रतिकृया
