११.११ अभियानको लागि हिमालयन बैंक लिमिटेड र दराजबीच सम्झौता

काठमाडाैं । हिमालयन बैंक लि. र अनलाइन सपिङ्ग पोर्टल दराज केयमु प्रालिबीच व्यावसायिक सम्झौता भएको छ। बैंकका ग्राहकहरुलाई दराजको ११.११ अभियानमा छुट प्रदान गर्ने सम्झौता भएको हो।

सम्झौता नोभेम्बर ११ गते लागु हुनेछ। बैंकका ग्राहकहरुले दराजको ११.११ को अवधिमा अनलाइन सामान खरिद गर्दा आफ्नो डेबिट कार्डमार्फत अग्रिम भुक्तानी गर्दा १५% वा अधिकतम २५ सय रुपैयाँसम्मको छुट र क्रेडिट कार्डमार्फत अग्रिम भुक्तानी गर्दा २० प्रतिशत वा अधिकतम ३ हजारसम्मको छुट प्राप्त गर्न सक्नेछन्।

उक्त छुट प्राप्त गर्नको लागि ग्राहकहरुले आफ्नो कार्ड ई-कमर्शको लागि सक्रिय गर्नु पर्नेछ । ग्राहकहरुले हिमालयन बैंकको मोबाइल बैंकिङ्गबाट आफैलेनै आफ्नो कार्डमा ई-कमर्श सक्रिय गर्ने सुविधा प्रदान गरेको छ।

यी पूर्वभुक्तानी छुटहरु सिमित र छुटमा केही शर्तहरु लागू हुने भएकोले दराजको ११.११ अभियानअन्तर्गत ग्राहकहरुले छुट प्राप्त गर्न यथाशीघ्र कार्डबाट पूर्वभुक्तानी गरी सामानहरु खरिद गर्नुपर्नेछ।

उक्त सम्झौता पत्रमा बैंकको तर्फबाट सहायक महाप्रबन्धक विजयमान नकर्मी र दराजको पेमेन्ट र पार्टनरसिप प्रमुख अरुण फुयाँलले हस्ताक्षर गरेका छन्।