हेटौंडाको तरकारी बजारमा आगलागी

हेटौंडा । हेटौंडाको तरकारी बजारमा आगलागी भएको छ । हेटौंडा उपमहानगरपालिका १० मा रहेको तरकारी तथा फलफूल थोक बजारमा आगलागी भएको हो ।

हेटौंडा उपमहानगरपालिका टिसीएनरोडस्थित एक होटलमा विद्युत सर्ट भएर आगो लागेको प्रहरी जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए।

आगलागी बिहीबार दिउँसो साढे १ बजेतिर भएको हो। कार्कीका अनुसार एक होटल र तरकारी तथा फलफूल थोक बजारका आधा दर्जन पसल पूर्ण रुपमा जलेर नष्ट भएका छन् । अहिले आगो पूर्णरुपमा नियन्त्रणमा आएको छ ।