घरको छतबाट खसेर १ महिलाको मृत्यु

नुवाकोट । घरको छतबाट खसेर एक महिलाको मृत्यु भएको छ । मृत्यु हुनेमा विदुर नगरपालिका- १ ढुंगेबजार घर भएकी २९ वर्षीया सिर्जना ढुंगाना छिन् । फोहोर फाल्नका लागि दुई तल्लामाथि रहेको घरको छतमाथि पुगेकी ढुंगाना एक्‍कासी  चिप्लिएर सडकमा खसेकी थिइन् ।

उनलाई तत्काल स्थानीयबासीले उद्धार गरी उपचारका लागि नुवाकोट जिल्ला अस्पताल त्रिशूली पुर्‍याइएको थियो।तर उपचार गर्न नपाउँदै चिकित्सकले मृत घोषित गरेको जिल्ला प्रहरी कार्यालय नुवाकोटले जनाएको छ।