काठमाडौँ । सत्तारुढ नेपाली कांग्रेसका महामन्त्री विश्वप्रकाश शर्माले नेपाल सरकारले स्टेट पार्टनरसिप प्रोग्राम (एसपीपी) मा सहभागी नहुने पत्र अमेरिकालाई पठाएपछि अब यो अध्याय अन्त्य भएको बताएका छन् ।
तर भविष्यमा यस्तो द्वन्द्वमा नेपाल कहिल्यै नपर्न आग्रहमुक्त र परिपक्व दृष्टि निर्माणमा गम्भीर हुन उनले सबैलाई आग्रह गरेका छन् । एसपीपीमा सहभागी नहुने नेपाल सरकारको पत्र अमेरिकाले प्राप्त गरेको समाचार आएपछि कांग्रेसका महामन्त्री शर्माले आज विहान सामाजिक सञ्जालमा लेख्दै यस्तो प्रतिक्रिया दिएका हुन् ।
शनिबार शर्माले आफ्नो ट्वीटरमा यसबारे लेखेका छन्, ‘एसपीपीमा सहभागी नहुने पत्र सरकारले अमेरिकालाई पठाएपछि यो ञच्याप्टर क्लोजझत भयो । तर भविष्यमा यस्तो द्वन्द्वमा नेपाल कहिल्यै नपर्न आग्रहमुक्त र परिपक्व दृष्टि निर्माण एवं परिपालनामा हामी सबै गम्भीर बनौं ।’ यस्तै शर्माले परराष्ट्र सम्बन्धमा व्यक्ति र दल नभएर देशलाई केन्द्रमा राखेर अगाडि बढ्न पनि आग्रह गरेका छन् ।
`एसपीपीमा सहभागी नहुने´ पत्र सरकारले अमेरिकालाई पठाएपछी यो `च्याप्टर क्लोज´ त भयो तर भविस्यमा यस्तो द्वन्द्वमा नेपाल कहिल्यै नपर्न आग्रहमुक्त र परिपक्व दृष्टि निर्माण एवं परिपालनामा हामी सबै गम्भीर बनौं l
परराष्ट्र सम्बन्धमा `ब्यक्ति´ र `दल´ होइन `देश´ लाई केन्द्रमा राखेर बढौं l
— Bishwa Prakash शर्मा (@bishwaprakash77) July 30, 2022
प्रतिकृया दिनुहॊस