कञ्चनपुरको महेन्द्रनगरमा डिशहोम फाईबरनेटको शोरूम उदघाटन

नेपालभर इन्टरनेट सेवा विस्तार गरिरहेको डिशहोम फाइवरनेटले कञ्चनपुरको महेन्द्रनगरमा सह–वितरण सोरुमको शुभारम्भ गरेको छ । जेष्ठ १९ देखि डिशहोम फाइबरनेट बिक्री तथा बिक्रीपछिको सेवा प्रदान गर्न सुरु गरिएको सो सोरुमको सञ्चालन नव दुर्गा पशुपालन तथा कृषि फार्मले गर्नेछ।

सो रुम उदघाटनमा डिशहोमका तर्फबाट पूर्वीक्षेत्रिय सेल्स म्यानेजर निर्मल आचार्य र सेल्स अफिसर कमल रिमालको उपस्थिती रहेको थियो भने डिलरका तर्फबाट र डिलरका म्यानेजर जगदिश भट्टकोे उपस्थिती रहेको थियो ।

विगत लामो समयदेखि डिश मिडिया नेटवर्कसँग सहकार्य गरि डिशहोमको डीटीएच सेवा ग्राहकहरुमाझ पुर्याउँदै आएका नव दुर्गा पशुपालन तथा कृषि फार्मले अब डिशहोम फाइबरनेट बिक्री र बिक्रीपछिको सेवा नयाँ सोरुममार्फत दिनेछ ।

३ सयभन्दा धेरै ग्राहकलाई डिशहोम फाइबरनेटको सेवा उपलब्ध गराइसकेका नव दुर्गा पशुपालन तथा कृषि फार्मले अब अझ बढी ग्राहकहरुको माझ पुग्नको लागि पनि यस नयाँ शाेरुमले मद्दत गर्ने नव दुर्गा पशुपालन तथा कृषि फार्मले जानकारी दिएको छ ।