नेपालमा मूल्य अभिवृद्धि कर नलाग्ने वस्तु तथा सेवाहरू के-के हुन् ?

नेपालमा मूल्य अभिवृद्धि कर ऐन, २०५२ को अनुसूची १ मा मूल्य अभिवृद्धि कर छुट हुने वस्तु तथा सेवाहरूको व्यवस्था छ । यी वस्तु तथा सेवाको खरिद बिक्रीमा मूल्य अभिवृद्धि कर लाग्दैन । मूल्य अभिवृद्धि कर नलाग्ने वस्तु तथा सेवा निम्न छन् :

• आधारभूत कृषि उत्पादनहरू, जस्तै: धान, मकै, गहँ, कोदो आदि।
• आधारभूत आवश्यकताका वस्तुहरू, जस्तै : नुन, मट्टीतेल, दाउरा आदि ।
•  जीवजन्तु तथा सोको उपज, जस्तै : गाई, भैँसी, भेडा, बाख्रा आदि ।
•  कृषि सामग्री, जस्तै : खुर्पा, कोदालो, साभेल, गैँती, बन्चरो आदि ।
•  औषधि उपचार तथा यस्तै स्वास्थ्य सेवाहरू
•  शिक्षा
•  किताब, अखबार र मुद्रित सामग्रीहरू
•  कलात्मक र कालीगढी सेवा
•  यात्रुवाहक यातायात
•  घर, जग्गा, भवन ।