काठमाडौं । नेपालको पहिलो बैंक नेपाल बैंक लिमिटेडले काठमाण्डौ उपत्यकाका विभिन्न स्थानमा एकैदिन चारवटा नयाँ शाखा स्थापना गरी कारोबार शुरु गरेको छ । बैंकले टोखा वडा नं. ६ टोखा रोडस्थित ग्रिनल्याण्डमा, नार्गाजुन नपा वडा नं.१ स्थित रानिवन चोकमा, रिङ्गरोडकाे सितापाईला चोकमा र पुरानो बानेश्वरमा नयाँ शाखा सञ्चालनमा ल्याएको हो । यससँगै नेपाल बैंकको शाखा संख्या २ सय १७ पुगेको छ ।
सञ्चालनमा आएका नयाँ शाखाहरुमध्ये ग्रिनल्याण्ड शाखाको नेपाल सरकारका सचिव एवं नेपाल बैंक, सञ्चालक समितिका अध्यक्ष सुमनराज अर्याल तथा टोखा नगरपालिकाका नगर प्रमूख प्रकाश अधिकारीले संयुक्त रुपमा समुद्घाटन गरे । त्यस्तै अन्य तिन शाखाहरुमा सफ्ट लञ्च सहित कारोवार सुरुवात गरिएको बैंकले जनाएकाे छ ।
प्रतिकृया दिनुहॊस