गायक प्रमोद खरेल सवारी दुर्घटनामा

गायक प्रमोद खरेलले आफू सवारी दुर्घटनामा परेको जानकारी दिएका छन्। दाङको तुलसीपुरमा हुने कार्यक्रममा सहभागी हुन होटेलमा जानेक्रममा बिहीबार साँझ आयोजकले चलाएको कार दुर्घटनामा परेको उनले बताएका हुन् ।

दुर्घटनामा परेपछि बेहोस भएका गायक खरेलको ४५ मिनेटमा होस खुलेको थियाे। राति नै डिस्चार्ज भएका गायक खरेल काठमाडौं आएर सिटी स्क्यानलगायत सबै परीक्षणपछि अहिले आराम गरिरहेको उनले जानकारी दिए । बाहिरी चोट भए पनि आन्तरिक रुपमा कुनै समस्या नदेखिएको र विस्तारै सामान्य हुनेक्रममा रहेको गायक खरेलको भनाइ छ ।

दुर्घटनामा परेपछि गायक खरेलले दुई चार दिन रेकर्डिङसहितका सबै कार्यक्रम स्थगित गरेका छन् ।