नेपाल बैंकको बोनस शेयर नेप्सेमा सूचीकरण

नेपाल बैंकको गत पौष २ गतेका सम्पन्न भएको ६२ औं वार्षिक साधारण सभाबाट पारित भएको आर्थिक वर्ष २०७७/७८ मा कायम चुक्ता पूँजीको १४ प्रतिशतका दरले हुन आउने १ अर्ब ७६ करोड ९१ लाख ४६ हजार २०७ रकम बराबरको १ करोड ७६ लाख ९१ हजार ४६२ कित्ता बोनस शेयर नेपाल स्टक एक्सचेन्ज लिमिटेडमा सूचीकरण भएको छ ।

शेयर अभौतिकीकरण गरिसकेका शेयरधनीहरुको डिम्याट खातामा १४ प्रतिशतका दरले हुन आउने बोनस शेयर जम्मा हुने र भौतिकरुपमा कायम शेयरधनीहरुले शेयर अभौतिकीकरण गराए पश्चात् मात्र बोनस शेयर खातामा जम्मा हुने भएकोले आफ्नो नाममा रहेको शेयर यथाशीघ्र अभौतिकीकरण गराउनु हुन समेत बैंकले अनुरोध गरेको छ।