नेपाली कांग्रेसका महामन्त्री पूर्णबहादुर खड्का गृहजिल्ला सुर्खेतबाट महाधिवेशन प्रतिनिधिमा उम्मेदवारी दिएका छन् ।खड्काले मंगलबार खुला पुरुषतर्फ सुर्खेत निर्वाचन क्षेत्र नम्बर एकबाट महाधिवेशन प्रतिनिधिमा उम्मेदवारी दिएका हुन् । पार्टीको केन्द्रीय सदस्य स्वत महाधिवेशन प्रतिनिधि हुने व्यवस्था कायम छ । तथापि कार्यकर्ताबाट अनुमोदित हुनका लागि उम्मेदवारी दिएको खड्का वताउँछन् । सुर्खेत गृह जिल्ला भएका खड्का कार्यकर्तामाझ अतिनै लाेकप्रिय नेताकारुपमा परिचित छन्। स्वत: प्रतिनीधि छानिने ब्यवस्था हुँदाहुँदै पनि लाेकतान्त्रिक विधिलाइ आत्मसात गर्दै निर्वाचनमा हाेमिएपछि उनकाे प्रशंसा भएकाे छ ।
सुर्खेत निर्वाचन क्षेत्र नम्बर १ बाट २५ जना महाधिवेशन प्रतिनिधिमा पठाउनुपर्नेमा महामन्त्री खड्का सहित ३६ जनाको उम्मेदवारी परेको छ भने उनी लामो समयदेखि प्रतिनिधिसभामा यही क्षेत्रबाट चुनावमा उम्मेदवार बन्दै आएका छन् ।
आज मंगलबार सुर्खेतमा क्षेत्रीय कार्यसमिति पदाधिकारी र महाधिवेशन प्रतिनिधि छनोटको निर्वाचन भैरहेको छ । दुईवटा प्रतिनिधिसभा निर्वाचन क्षेत्र रहेको सुर्खेतमा निर्वाचन क्षेत्र नम्बर १ को महेलकुना र २ को बाबियाचौरमा मतदान हुँदैछ ।
