दोषीलाई कडा कारबाही गरियोस् : भीम रावल

न्यूज दैनिक

काठमाडाैँ । नेपाल कम्युनिस्ट पार्टी (नेकपा)का स्थायी कमिटी सदस्य भीम रावलले बैतडीकी किशोरी भागरथी भट्टको हत्या घटनाको भर्त्सना गरेका छन् । ट्वीट गर्दै उनले घटनाको तत्काल अनुसन्धान गरी दोषीलाई कडा कानुनी कारबाही गर्न माग गरेका हुन् ।

नेता रावलले आफ्नो पार्टी (नेकपा प्रचण्ड-नेपाल) समूहका अध्यक्षद्वयले घटनाको निन्दा गरेको र दोषीलाई कारबाहीको माग गरिसकेको स्मरणसमेत गराएका छन् । उनले अगाडि भनेका छन्, ‘म उक्त घटनाको भर्त्सना गर्दछु । घटनाको तुरून्त अनुसन्धान गरी दोषीलाई कडा कानूनी कारबाही गरियोस् ।’

बैतडीको दोगडाकेदार गाउँपालिका-७, चडेपानीकी १७ वर्षीया भट्ट गएको बिहीबार साँझ मृत अवस्थामा फेला परेकी थिइन् । मृतकका आफन्त शिवराज भट्टले भनेका थिए, ‘मृतकको शरीरभरि निलडाम र घाउ रहेका छन् । कपडा पनि च्यातिएको अवस्थामा छन् ।’

तपाईंको प्रतिकृया

सम्बन्धित सामाग्रीहरु

लेखकबाट थप

ताजा सामाग्री