काठमाडौं । पछिल्लो २४ घन्टामै काठमाडौं उपत्यकाभित्र ट्राफिक नियम उल्लंघन गर्ने २ हजार ८० जना चालकमाथि कारबाही भएको छ।

महानगरीय ट्राफिक प्रहरी महाशाखाका अनुसार फुटपाथ र सडकमा सवारी पार्किङ गर्ने २२६ जनालाई जरिवाना तिराइएको छ भने मादक पदार्थ सेवन गरेर सवारी चलाउने १०९ र लेन अनुशासन उल्लंघन गर्ने १०४ जना चालकले पनि कारबाही भोगेका छन्।

पछिल्लो २४ घण्टाभित्र काठमाडौं उपत्यकामा भएका ४५ वटा सवारी दुर्घटनामा दुई जनाको ज्यान गएको, १९ जना घाइते भएका छन्।