राजेश हमाल र करिश्मा अभिनित भिडियो सार्वजनिक

काठमाडौँ । महानायक राजेश हमाल र अभिनेत्री करिश्मा मानन्धर अभिनित गीतको भिडियो सार्वजनिक भएको छ । कुनै समय नेपाली चलचित्रमा सर्वाधिक रुचाइएको यो जोडीले लामो समयपछि एकसाथ काम गरेका हुन्। गीतको बोल ‘चट्ट बसी देउराली’ रेहेको छ।

सार्वजनिक भिडियोले राजेश र करिश्माको पुरानो कामलाई समेत स्मरण गराउने र प्रेमाभाव प्रकट गर्दा प्रेमीले प्रेमीकालाई आफ्नो बनाउन नसक्दाको कथालाई नजिकबाट देखाइएको छ ।

पछिल्लो पुस्ताका चर्चित गीतकार तथा संगीतकार दीपक शर्माका शब्द शृजनामा शर्माकै संगीत रहेको गीतमा गायिका मेलिना राई र भीम चापागाईको स्वर छ । यो गीतको एरेन्ज नरेन्द्र वियोगीले गरेका हुन् ।देवेन्द्र पाण्डेको कोरियोग्राफी र निर्देशन रहेको भिडियोको छायांकन उत्सब दाहालले गरेका छन्।