काठमाडौं । सिरहाको मिर्चैया नगरपालिकास्थित प्रयागपुर चोकमा बिहीबार राति बस र ट्रक एकआपसमा ठोक्किँदा दुई जनाको मृत्यु भएको छ।  ना ८ ख ९८२ नम्बरको झापाबाट काठमाडौं आउँदै गरेको बस  पश्चिमबाट आइरहेको ना ३ ख ४२६४ नम्बरको ट्रक एक आपसमा  ठोक्किएर दुर्घटना भएको जिल्ला प्रहरी कार्यालय सिराहाले जनाएको छ।

दुर्घटनामा मृत्यु हुनेमा बसका चालक भोजपुरका हरीरण पहेली र झापाका मदनकुमार उप्रेती रहेको प्रहरीले जनाएको छ। घटनामा २४ जना घाइते भएका छन्। घाइते मध्ये ५ जनाको अवस्था गम्भीर रहेको छ। उनीहरुलाई थप उपचारका लागि विराटनगर पठाइएको प्रहरीले जनाएको छ।