काठमाडौँ । टीभीएस मोटोसोल २०२४ को उपाधि वर्षा बस्नेतले जितेकी छन् । १२५ सीसी स्कुटर डर्ट रेस श्रेणीमा उनले उपाधि हात पारेकी हुन् ।

भारतको गोवामा सम्पन्न टीभीएस मोटोसोल एक अन्तर्राष्ट्रिय स्तरको मोटरसाइकल महोत्सव हो । विगत तीन संस्करणदेखि चौथो संस्करणसम्म आइपुग्दा यसले मानिस र मेसिन बिचको सम्बन्धलाई केन्द्रमा राखेर संसारभरका मोटर राइडिङ समुदायहरूलाई एकै ठाउँमा उभ्याउँदै आइरहेको छ ।

‘टीभीएस मोटोसोल, ईट्स मोर देन अ फेस्टिवल, ईट्स ए फिलिङ’ भन्ने नारासहित आयोजित महोत्सवले गोवाको भव्य वागाटोर समुद्र किनारलाई थ्रिल, रोमाञ्चकता र असीमित उत्साहले भरिदिएको आयोजकको भनाइ छ ।

टीभीएस मोटोसोल आगामी वर्षहरूमा पनि यस्तै रोमाञ्चक र प्रभावशाली संस्करणहरू प्रस्तुत गर्दै मोटरस्पोर्ट र मोटरसाइकल राइडिङको क्षेत्रलाई नयाँ उचाइमा पुर्‍याउन प्रतिबद्ध रहेको आयोजकको भनाइ छ ।