यूएईलाई हराउँदै नेपाल विश्वकपमा छनोट

[horoscope in nepal, news from nepal, newsdainik, dainiknews]

काठमाडौं । नेपाल आइसिसी यू-१९ महिला टी-२० विश्वकपमा छनोट भएको छ । बुधबार एसिया छनोटमा आयोजक यूएईलाई ८ विकेटले हराउँदै नेपाल पहिलोपटक विश्वकपमा छनोट भएको हो ।

सन् २०२२ को छनोटमा नेपाल तेस्रो भएको थियो । यसपालि भने नेपालले उक्त प्रदर्शनमा सुधार गर्दै इतिहास रच्यो ।

आउँदो संस्करणको यू-१९ विश्वकप मलेसियामा आयोजना हुनेछ । छनोट प्रतियोगितामा नेपालले ६ मध्ये पाँचमा जित र एक खेलमा मात्र हार बेहोर्‍यो । यूएईसँगको पहिलो भेटमा नेपाल १३ रनले पराजित भएको थियो ।

बाँकी पाँचवटा खेलमा भने नेपालले फराकिलो जित निकाल्यो ।