चलचित्र ‘छक्का पञ्जा-५’ को गीत ‘बिहे भाको छैन’ सार्वजनिक (भिडिओ)

काठमाडौँ । चलचित्र ‘छक्का पञ्जा–५’ को गीत ‘बिहे भाको छैन’ सार्वजनिक भएको छ ।

आगामी असोज २४ गतेबाट दशैंको फूलपातीमा प्रदर्शन गर्ने तयारीमा रहेको यस चलचित्रको पहिलो गीत सार्वजनिक भएको हो ।

गीतमा फिल्मका प्रमुख अभिनेता दीपकराज गिरी र अभिनेत्री वर्षा शिवाकोटी फिचर्ड रहेका छन् । अन्तिममा अर्का कलाकार केदार घिमिरे ‘माग्ने बुढा’ पनि देखिएका छन् । यस गीतलाई सुनिल क्षेत्रीले कोरियोग्राफ गरेका हुन् । गीतमा सविन सुवेदी र बेनिशा पौडेलको स्वरमा रहेको छ । त्यस्तै दीपकराज गिरी र दीपक शर्माको शब्द तथा दीपक शर्मा स्वयंको संगीत रहेको छ ।

गीतको भावले प्रेममा हुने छटपटी र वास्तविकतालाई समेटेको छ । प्रेमको लागि पैसा भन्दा ठुलो माया भएको देखाइएको छ ।

दीपाश्री निरौलाको निर्देशनमा बनेको चलचित्रमा हरि हुमागाइँको डिओपी तथा उत्तम हुमागाइँको छायांकन, दीपकराज स्वयंको पटकथा लेखन, दीपक, केदार घिमिरे र दिलीप तामाङको कथा र संवाद, रोशन श्रेष्ठको द्वन्द्व तथा विपिन मल्लको सम्पादन रहेका छ ।

हेर्नुहोस् भिडिओ :-