दाङमा सेनाका जवान बुढाथोकीले गरे श्रीमतीको हत्या

काठमाडौं । दाङको तुलसीपुर उपमहानगरपालिकामा नेपाली सेनाका जवान श्रीमतीको हत्या गरी फरार भएका छन् । शुक्रबार बिहान करिब सवा ८ बजेतिर उपमहानगरपालिका-६ लुङ्ग्री टोलमा २७ वर्षीया श्रीमतीको हत्या पछि फरार भएका हुन् ।

इलाका प्रहरी कार्यालय तुलसीपुरका प्रवक्ता प्रहरी निरीक्षक प्रकाश थापाकाअनुसार ३६ वर्षीय शालिकराम बुढाथोकीले श्रीमती टीका बुढाथोकीको हत्या गरेका छन् । हत्यापछि सोही खुकुरी लिएर फरार भएका उनको खोजी कार्य जारी रहेको निरीक्षक थापाको भनाई छ ।

जवान बुढाथोकीले श्रीमतीलाई परपुरुषसँग आपत्तिजनक अवस्थामा भेटेपछि घटना घटेको प्रहरी बताउँछ । खुकुरी प्रहारबाट घाइते भएकी टिकाको राप्ती प्रादेशिक अस्पतालमा उपचारका क्रममा मृत्यु भएको हो । उनीसँगै भेटिएका पनि नेपाली सेना नै हुन् ।