एकडारामा युवाहरूका लागि पत्रकारिता तालिम ।

• रोशन कुमार मिश्र

महोत्तरी । एकडारा गाउँपालिकाको सहयोगमा र समग्र विकास केन्द्र महोत्तरीको आयोजनामा एकडारामा युवाहरूका लागि तीन दिने आधारभूत पत्रकारिताको कार्यक्रम सम्पन्न भएको छ । शुक्रबारदेखि २८ गते आइतबारसम्म तालिम अवधि रहेको कार्यक्रममा स्थानीय दुई दर्जन प्रशिक्षार्थीहरूको सहभागिता रहेको थियो ।

कार्यक्रमको तेस्रो दिन आज आइतबार तालिमसंगै प्रमाणपत्र वितरण गरी सम्पन्न भएको हो । एकडारा स्वास्थ्य चौकीको सभाहलमा सम्पन्न आजको समापन कार्यक्रममा प्रशिक्षार्थीलाई पालिकाका उपाध्यक्ष महजबी खातुन र वडाअध्यक्ष २ का सखिचन्द्र यादवले प्रमाणपत्र वितरण गरेका थिए ।